14 di 2 di nos 2 (Crioulo)
Komessas ku un mensagen
gosi bo e kel prinsipal
na nha paisagen.
Dentu nha Rubera Prinsipal
bo e kel agu na barragen.
Nkre lebou pa Tarrafal
y es mensagen ingarafal.
Pe navega pa maris di tenpu.
Pa bonansa y kontratenpu.
Pe txiga na bo sima nha abrasu.
Pe lenbrou di nos batuku, passada y taraxu.
Pe flou ma mas logu
e bo ku mi.
Panela riba lumi.
Jantar a luz di vela.
Abo bela na luar.
Sol na nha olhar.
Strela na lensol.
Oras ki nu korda manhan
po sabi ma onti inda sta bali.
Nos ponti ka ta fali.
14 ta bira 15.
15, 16.
Kes ki nu ta xinti
nu sabi undi nu ta atxas.
Na karinhu di tudu dia.
Na kaminhu di alegria
nos mó dadu e direson.
N’ka mesti fulha dadu
nen juga totolotu.
Nha metadi dja sta atxadu.
Gosi e so surri pa fotu.
Kel poema li Nkiz fala di komu ta ser bon si tudu dia ser un dia 14/02, talvez ka na resultadu, ma sin na dedikason y entrega. Y klaru pa ser di tudu 2 ladu. Nstaba un koxi nervosu e aprensivu kantu Ngrava vídiu, pmd foi a poukus dias ki Nskrebi kel poema, nton sta alguns mínimus diferensas entri poema eskritu y deklamadu.
Ma Nta deseja nhos ou desejou un bon dia 14/02 di tudu dia. Ama, ser amadu e ser umanu e kel ki ta ponu bibu, ku briu. Ten kel ku ta kubri y ta kubriu. Nton ka nu froxa, ka nu falta roxa. Nu ama.
14 de 2 de nós 2 (Português)
Começou com uma mensagem
agora você é a principal
na minha paisagem.
Dentro da minha Ribeira principal
você é a água na barragem.
Quero te levar para o Tarrafal
e engarrafar está mensagem.
Para que ela navegue por mares do tempo.
Por bonanza e contratempo.
Assim que ela chegue em você com o meu abraço.
Para que ela te lembre do nosso batuku, passada y taraxu.
Que ela te diga que mais logo
será você e eu.
Panela em cima do fogo.
Jantar à luz de velas.
Você bela no luar.
Sol no meu olhar.
Estrelas no lensol.
Quando acordarmos amanhã
que saibas que ontem ainda vale.
Nossa ponte não falha.
14 vira 15.
15, 16.
Aquiles sentimentos que sentimos,
sabemos onde encontrar.
No carrinho de todo o dia.
No caminho da alegria
as nossas mãos dadas
é a direção.
Não preciso jogar dados
nem jogar totoloto.
A minha metade já está encontrada.
Agora é só sorrir para a foto.
Este poema fala sobre como seria bom se todos os dias fossem um dia 14/02. Talvez não no resultado, mas sim na dedicação e na entrega. E claro, para ser dos dois lados.
Eu estava um pouco nervoso e apreensivo quando gravei o vídeo, até porque foi há poucos dias que escrevi aquele poema, então há algumas mínimas diferenças entre o poema escrito e o declamado.
Mas eu vos desejo ou te desejo um bom dia 14/02 todos os dias. Amar, ser amado e ser humano é o que nos mantém vivos, com brio. Há quem cubra e há quem seja coberto. Então não nos deixemos afrouxar, não deixemos faltar o contato. Amemos.